يابن سطام / لِـ أحمد التراك الخالدي

محمد حمدان الناعم  يابن سطم جتكم مثايل عن الخيل
معشوقة الفرّيس كل ن يجله
حبّه مع العربان جيل باثر جيل
وكم ن عديم امتطى صهوة ن له
عز ومعزه للرجال الحلاحيل
اهل البيوت الواسعات المظله
من دونها ماتوا رجال ن مشاكيل
وبظهورها حازوا قصور ن مطله
ياما تغنوا لاجلها بالمواويل
باروع بيوت الشعر حافل سجله
واليوم قيفان الجزايل مصاهيل
اسمع كرير ن بالمحاني محله
تجمح جموح النِّهد بين المقافيل
صلب الضلوع وطوّعه طاعةً له
ترعد وتبرق تحتها يهدر السيل
وانبت قفار"ن" ممحله مضمحله
وعسفت من زين المعاني تماثيل
من فوق لهموم ن قصيدي اعرج ن له
عنجوج هذلول ن بها ناهي الذيل
مسوّم "ن " سابح عتيق "ن "جبله
ناب القطاة ومنخره كالفناجيل
خده هزيل ن والعضل مبرز"ن"له
راسه صغير"ن" له وصف غربي النيل
شكل الهرم وقمته مخطم "ن" له
واسع عيونه سود زاهي بتكحيل
واذنين منتصبه تشادي الاهلّه
بين العيون وبين اذنه كما قيل
البعد مابين المظلي ومظله
وفيها استقام الساق وساعد عن الميل
والجلد ناعم ممحلن وبرةً له
والصدر راهي ردف زاهي الخلاخيل
صلب العضل بارز بها نهدةٍ له
كاهله راكز والظهر ماهو طويل
عريض ثندوة قطامي فتق "ن" له
قبلي وصوفها من قدم سالف الجيل
وابن ضبيعه قد دعى مربط ن له
في يوم تحلاق اللمم قادها ليل
واجتز ناصية النعامه فداً له
بس النواصي طولها زاهي الخيل
ناعم شعرها ميمنة غرة "ن" له
معقود فيها الخير ماهي من الحيل
ليوم القيامه خيرها لازم "ن" له
هذا كلام الخالدي دون تقليل
يمّ النصيري جدف "ن" واعنز "ن" له
تمت وصلوا عدّ وبل الهماليل
على نبي "ن" ملته خير مله

احمد التراك الخالدي