هذا الربيع اللي تمنّيت شوفه / الشاعر فهد بن عقيل الطويان

زيد القصير  

قصيدة الشاعر فهد بن عقيل الطويان

هذا الربيع اللي تمنّيت شوفه

الهمْ غاب أو كيف الأجواد لِيْ طاب

عقب المَحلْ وإغبار وأرض إمْعيُوفِه

اليوم تبْحلْ وين تثبيْت الأطناب

مدّة كريم ن مابخل بالمروفه

الرازق اللّي من ترجّاه ماخاب

عِشْب إختلطْ من جاه مِثلِي يشوفه

مدْ النظر محْلاه مادونه إحجاب

ولا عاد يطري من يجيه النكُوفه

سِحْر الخضار أنساه همّه والأحباب

أحْلى الروايح بالهبُوب آمْحذوفه

ريْح النفل غطّى على كل ّ الأطياب

وراع الدّبش ينسى العنى والكلوفِه

أكلِه أو شربِه كافلِه ربّ الأرباب

مِرتاح همّه بسْ تنظيف صُوفه

وسعادتهً في شوفة الضيف وأصْحاب