قصيدة الشاعر تيسير الدرعان

بدر بن دهام  #شعراء_بني_خالد

بعيدا عن الشعراء من ابناء عمي ومنطقتي فانا لا اقارنهم باحد لهم تميزهم وابداعهم
هذه ابيات باسماء من اتابعهم من اعلام الشعر بالساحه الاعلاميه حسب ذائقتي ، مع ايقاني انه يوجد بمن ظُلموا اعلاميا اكثر ابداع ممن ظهروا بالشاشات
//// كان انت تسألني عن اسما النخبه
اللي لهم بالشعر قوة هاله

أسأل وانا بجاوبك في عرفي
عن من خذوا بالشعر قو ارساله

ولأني على قول العرب باقيم
بس المميز فارضا اقواله

إبداء بابن ريفه فلاح اللي له
قصيد مايخضع ابد إلا له

اللي يسلسل فكرته من دره
كنه يسولفها على جواله

وضيدان ابن قضعان ياعشاقه
كله تميز في جميع أحواله

مبدع ومتميز وراعي جزله
محدن قدر يستنقصه باجزاله

ومدغم أبو شيبه يكفي اسمه
اسمه مسطر في سماه اقواله

مع قوة التركيب قو المعنى
كن القصايد من غلى تبراله

وسلطان ابن وسام هو موسم
قصايده من طنخته وافعاله

مبدع ومن قو الجزاله يرسم
على طروسه مايجي في باله

وراع الحميه بالقصيد الحمري
اللي الشعر هابه اذا ناداله

ماهو بأية شعر يطلع منه
لمن قصد جاك الشعر واهواله

ولجيت لابن جخير لزم أوقف
واعطيه من قول السلام اجلاله

لنه يركب لانفعل واسترسل
شعرا يهول مالقيت امثاله

واثني على ابن بديع يسلم راسه
صعب الحروف بقوته تحنى له

مع ميزته بالشعر عنده بحه
بالصوت دون اسمه عليه ادلاله

ولاقلت مانع يا سمو الضحكه
شلحاط ميل بالقصيد عقاله

اللي رثا الميت بجو النكته
وسيطر على الساحه بفن هباله

وان كنت باختمها بعالي القمه
بالشاعر الفذ العظيم الطاله

اللي تغيب من قصيده لنه
اعظم من حروفه ومن منواله

اللي تبناء مشكلات العالم
كنه يدافع عن حقوق عياله
محمد ابن الذيب جعله سالم
والله يحقق له جميع اماله

والله يرده للشعر والساحه
ويرجعه للعالم الفعاله

من كثر مااحبه خذيت طروقه
ومشيت موالي على مواله

اثني على اسمه دايما وادعي له
الله يفرج له ويرحم حاله

ذكرت لي أسماء حرارا ندر
كلن تميز في قصيدن قاله

وان ردت لعرف الرجال اعرفهم
عرفا كريم ولا تعدى القاله

اشوفهم واسمع لهم لكني
ماشربت معهم دله ولا بياله
وسالم تلاقيته ويسلم خشمه
بس الله الهادي حرف جواله

يانمرة ابن سعود نبغى الجنه
بها السعيد اللي على منزاله

وعن غيرها ماني بدور جره
دربي لمن راده يطيب فاله

و اختمها على النبي الهادي
ازكا صلاتن مننا تهداء له :تيسير محمد الدرعان الخالدي
ابوسلمى
السعوديه -الجوف - سكاكا