حاول إنك تبتسم / للشاعر حمود الخطيمي

خالد البادي  #خالد_البادي كحيلان الولاية

من فرش للناس يلقى له غطا
--والصّدود اتقطع اوصال الرحم

لا تقول انك غني بمالك خطا
--الغنى لا قالوا افلان ونعم

اوصل العالم ،، قبل قولة بطى
--ولا اتّكلف باختيارك للكَلَم

خلك ابسط شخص لا شفت ابسطا
--وخلك انشطهم اذا صارت همم

وخلك اثقل شخص لاشفت اعبطا
--لا اتضايق حاول انك تبتسم

كل من فوق البسيطا ذي وطى
--يندفن فيها وأقسم لك قسم

السنين تروح مرواح القطا
--ما يحاول طردها غير الْغِشِم

إرْض ربك سير له وحث الخُطا
--ولا يدش بنيتك غير الكرم

شب ضوك ،، مد كفك بالعطى
--حدّث بخيرات ربك والنِعم

ماقصر لك كفك طيبك به سطا
--لايهمك نقد حاقد به ألم

الكرم ماهو الزياده المفرطا
--جود بالموجود واعتبره دسم

كل بذرٍ تزرعه ظل و غطا
--العمر محدود اترك لك وسم

من يضن انه غني بماله بطى
--الغني من قالوا الناس ونعم

#حمود_الخطيمي



جريده الراي العام الكويتيه عدد اليوم الاربعاء ١/١٣

‏