الشاعر سطام عبدالله العريعر في رثاء الفقيد العقيد ركن / عبدالله بن محمد بن نداء السهيان رحمه الله قائد القوات السعوديه الخاصه باليمن

بدر بن دهام  #شعراء_بني_خالد
الشاعر سطام عبدالله العريعر
في رثاء الفقيد العقيد ركن / عبدالله بن محمد بن نداء السهيان رحمه الله قائد القوات السعوديه الخاصه باليمن
____________________
حرن شهر ياسعود من نقرة الجوف
حدر على نجد العذيه وحامي

جود سبوقه منجدة كل ملهوف
اخوان نوره جابرين العضامي

اشقر يسوط الجول يدمي به كفوف
يودع معاليق الحباري صرامي

يوم العدو دق المزامير ودفوف
وجاله على حد الجنوب احتدامي

هده شجاعن من معزي به وصوف
محمد ابن سلمان حد الحسامي

مع الحرار اللي تحوف الوطا حوف
سهوم المنايا للمعادي سقامي

يوم اشلهبت وانكشف كل ملفوف
عبدالله السهيان عوق الخصامي

قاد السرايا الباسله خلفه صفوف
دكو معاقل خافرين الذمامي

فعله ينومس يبهج النفس والشوف
يدبس مدابيس الوغا والعسامي

ضحى بروحه والليالي به حتوف
لجل الوطن نال الشهاده وسامي

مرحوم ياللي بالبطولات به نوف
ترقابه فـعولـه براس الـسنـامي

لحيد جده ذايع الصيت معروف
يرد القـراح ويرد غـيـره عـثـامـي

مقدم هل الحيزا هل رماح وسيوف
خـوالـد الطولات يـوم الـزحـامـي

خواله الكايد ذرى من بهم خوف
اهل الشجاعه والزحول الكرامي

يفرح بهم من صار بيامه صدوف
واخص مفلح طير شلوى العصامي

وصلاة ربي عد ماخطة حروف
على النبي اعداد نبت الوسامي