قصيدة الجناحي في الشيخ زيد القصير

زيد القصير  قصيدة
قالها الشاعر / عبدالرحمن سعد الجناحي الخالدي
في مدح الشيخ / زيد المبارك القصير الخالدي يرحمة الله
يا لايمٍ عزوز في فعله الطيب
هذا عطا ربي وهذي قسومه
ابوه ساس الطيب عطب المضاريب
وجده مع العربان سارت علومه
زيد المبارك عيد ركّابة الشِّيب
لا نوخو عقب الصلف في حزومه

ريف الضعيف اللي توانا من الشَّيب
وعون الفقير اللي همومه تسومه

يامزهّب الطرقي على شمّخ النيب
والا على رجليه تومي هدومه

يامعشي الضيفان من عقب ترحيب
يوم المجاعة والخيور معدومة

لا صار ضيفانه طراقي واجانيب

من حشمته كنهم خوال وعمومه

لا جنّ ليله عابدٍ في المحاريب
ويطلب من الله حاجته مع لزومه

يا لايمي في حبّ عطر الاشانيب

اللي ولدهم بيِّنات وسومه

ال القصير للكرامة معازيب
جويرهم يدله وينسى همومه

اهل السيوف المرهفات المحاديب

وأهل الخيول السابقات العزومة

# زيد_القصير