الشاعر عقيل بن نايل الخالدي في حفل ابن حسن القحطاني

 #شعراء_بني_خالد
@agl_al5aldi
@agl_al5aldi


قصيده في حفل ابن حسن العجرشي القحطاني
والله يبيض وجه ابراهيم على البشت


بسم علام الخفيه ابتدي بدع المعان
مرسل محمد نبيه نتبعه مذهب و مله

زان لي بدع القصيده فالكفو و الجو زان
الكفو لا من مدحته كل حرفً زان هله

بنت فكري جمل الله حالها في كل مكان
لا تغنت كل بيتً يطرب الجمهور شله

واجب الشاعر لا وقف ماقفه ماقف حصان
يا يجمل في وقوفه ولا يجلس في محله

خص لا جت المواقف عند صبيان #قحطان
لابتن يا سعد منهو فالملاقا محزمن له

لابتن فالطيب ترقى مروية حد السنان
لابتن بين القبايل سيفها معروف سله

لابتن منهو عاداهم عودت عشره ثمان
انشد التاريخ عنهم انشده يعطيك ادله

لا بتن ترفع لها البيضا على طول الزمان
لا بتن ربي خلقها ما خلق فيهم مذله

حكمكم تسعين عامً يا عريبين المجان
في ثرى نجد العذيه قحطانً مستحله

قادها السلطان ابن هادي كما قود العنان
فوق مهره ما تهاب السيف و العايل تعله

من نوى ينزل في ضفه يبشر بامن و امان
مير لا يحول و جزيه ما دفعها شان دله

حاكم محنك و جيشه ما دخل جيشه جبان
من عبيده و الجحادر جمعهم ما فيه خله

قوةً تدحم بجمبً ما تجيب الا السمان
قوةً ترقى و تسهج بالركايب كل حله

لجل عين اللي تفرع غيدها فالهوش بان
شوشت من فعل قومً في ذراهم مسفهله

ومن يخاوي في حياته قحطاني ما يهان
يبشر بخوه تساوي الذهب دقه و جله

ذي حقايق واقعيه ماهي مجرد لسان
يوم بعض الناس يكذب فالقصيده عادةً له

قاله اللي شاش راسه خالدي نسل سحبان
ما عليكم زود ياهل الطايله و الطيب كله



#عقيل_الخالدي