أبيات الشاعر : فهد بن دعيرم ورد شعراء عتيبه

 #شعراء_بني_خالد
#الشاعر #فهد_بن_دعيرم
يقول فهد بن دعيرم : ‏من دون قاصر في جميع البدايد
‏الطيب ماهو في الجزيره غريبي
‏
‏لاكن لاصار الفعل الاقوا محايد
‏والله مايكسب مدحها الا ( عتيبي )
من بين ردود قبيلة عتيبه تفرد الشاعر احمد السليس ويقول :

جتني بيوتك ياقوي الفرايد
ومنزهه / من دون شكه وريبي

جزله يابو تركي سواة القلايد
صح الله لسانك وطرقك رهيبي

ونعمين والله ياوسيع البنايد
يا نادرآ ساسك شريف وعريبي

انشهد انك حرآ اشقر وصايد
حرآ مردد يا حزام الصحيبي
من لابتن سادت علی كل سايد
يوم الزمن ماله نظام ورقيبي

حازت سنام المجد والمجد كايد
بالمرهفات اللي تضد الحريبي

علمآ موثق بالعلوم الوكايد
لو كان يجحدها ردي النسيبي

وفالطيب زدتو كان للطيب زايد
وألكم مع اهل النعم دايم نصيبي

خوالدن فيها الجزايل عوايد
والمدح مايحسب عليها غريبي