احبك لو تجتفيني / للشاعر خلف عثمان الخالدي

خالد البادي  احبك لو تجافيني وتجرح قلبي المنصاب
احبك والمحبه موجعه بالحيل تكويني

حبيبك واقفن كله وعن حبك ابد ماتاب
وقصة واقعي تحكي ترا انتي عناويني

الا ياشمعة ايامي الا ياحلمي الكذاب
دخيلك قربي مني دخيلك لا تخليني

انا باقي على حبك ولو كان الهوا غلاب
عطيتك وعد انا ابقى على حبن مشقيني

انا والله ما انساك لو نور المحبه غاب
ولو ابقى مع الذكرى ترا الذكرى تكفيني

اسرتك داخلي كلك وبديتك على الاقراب
لأني عارفن قلبك ترا بالحيل هاويني

انا لولا الحيا والخوف بحت بحسنك الجذاب
اخبر عالمي كله اخبرهم بما فيني

تبي تعرف غلاك لوين وصل ناظر الاهداب
تشوف اني من بعادك انا الاحزان تطويني

بحق الله ياخلي ترا دمع المشقى ذاب
دخيلك روفي بحالي انا الولهان شوفيني

تذكر مامضى بيني وبينك معتقد ينساب
حرام انك تضيع ماضي الايام ياعيني
...
.
.
#الشاعر_خلف_عثمان_الخالدي
#كحيلان_الولايه