تاهت الخطوات ؛ الشاعر طارق الخالدي

بدر بن دهام  من غبار البعد و هموم السنين
تاهت الخطوات والدنيا عماس

مير مدري قمت اخربط واستهين
بالاسامي و الأماكن و الاساس

صحت ترفه خوف ما نادي حنين
بنت فارس بنت يا خوفي فراس

وا تـغنّـى للمهنـدس كـلمتيـن
يوم ثار الشوق بدروب الحماس

يا مها يا نانسي لا يا شرين
يا جواهر يا علا او هي رماس

بعدها دندنْت بحروف الأنين
دَنّ دِندِن دَنّ وازنت المقاس

"يوم كنتي مغرمه كنتي تجين"
يوم كنّا نشبه الحبّ اقتباس

والله ان العشق اشبه بالكمين
والحقيقه هو شبيه الافتراس

يوهمك يا لين تغرق ما تبين
وان قربته فجّرك بعد المساس

هو يلين قاسي و حدّهـ يلين
من ليآنه صار هو صعب المرآس

شيّ أشبه في خفوقي بالوتين
يطعم الكبدّ العليل من الغماس

قوقعه في داخله در(ن) ثمين
بسمله بحروف منقوشه بماس

يمّ كلثوم الطرب لا لا تجين
تفتشي اشياء تزعل بعضْ ناس

رجّـعـوني عنيك للماضي الحزين
عـلّـموني ادمع على حال انتكاس

صدّقوني قمت اهذري و استعين
بالطباق و بالسجع حتّى الجناس

والجواب الحيّ في صدري دفين
من غبار البعد و إحساسن يداس

يــا نـتـالـي كـان أنتي تؤمنين
الحـنيـن احيـان يكفر بالنعاس

والانام تنام و عيوني سجين
ينتظر فكّ القيود من العساس

ذا جوابي كان ودّك تسألين
إنكساري طيب ماهو إنعكاس

والغلا و الشوق والقلب الرهين
والهوى و العشق من دون التباس

عوّض الله اجر كل المحسنين
و رحمة الله واسعه قدر و لباس

لكن الدمعات و ظروف السنين
تقتل الاشواق من بعد الحماس