الشاعر مهند العشيش : الى روح الشهيد باذن الله

 الى روح الشهيد بإذن الله
عبدالله محمد السهيان الخالدي

إيه يالضلـع المسمّـى .. مانزلـت
كــل جيـلٍ يعتلـي قصـة جديـده

من كثـر ماني علـى موتك زعلت
مايدلّـه خاطـري بيـت القصيده

مانـي الحالي بصـدري إنقتلـت
كل واحد حزنـه مـخـاوي وريـده

اشهـد انك يابو فيصل ماخذلـت
فعل ابـوك وفعـل جـدك يالوليده

الله اكــبــر الله لاتـوكلـت وفـتـلـت
شاربك قـٰـدم العـدو حتماً تبيـده

ضربـةٍ من كـف ضـاري لاجـزلـت
رميةٍ ماهي على الراهي بعـيـده

مـارحـل ذكــرك ولــو انـك رحـلـت
والله انـك يـابـطـل رمــز وفـقـيـده

صـامـدٍ بجـبال الأعـدا ماجفـلـت
كم عـدوٍ من يمـينـك جـاه عـيـده

تـكـعـم الـعـدوان بـالنار ودبـلـت
لين صاروا مثل قرطاس الجريده

للشريعة والوطن والجوف طلت
ولْبني خالد شغاميـم العـقـيـده

من تـراث المجـد والماضي نهلـت
سيرةٍ تبقى لفيصل مع عضيده

جـعلـك بجـنـات عـدنٍ مـاسـألت
يامـجندل زمـرة ايـران وعـبـيـده

مهند العشيش الخالدي