#الشاعر /حسن بن فهد بن محمد آل طلحاب العقيلي الخالدي قصيدة عيد الفطر،، في الاجتماع السنوي للجماعه،،(العقيلي الخالدي) عام ١٤٤٦ هجري

دهام الرطبي #الشاعر /حسن بن فهد بن محمد آل طلحاب العقيلي الخالدي
قصيدة عيد الفطر،، في الاجتماع السنوي للجماعه،،(العقيلي الخالدي) عام ١٤٤٦ هجري
قناة بني خالد
https://youtube.com/shorts/eIpLWPBts7k?feature=share

قم يامحمد شب ضوي ونا بوك
أمري على مثلك لزومٍ يطاعي

في طاعتي يابوك فالشغل متروك
وانت الكفو شبحك على الارتفاعي

سميتك محمد إذا الناس نادوك
مسمّى على عمك طويل الذراعي

ابغاك يامحمد اذا الناس شافوك
قالوا ولد حسنٍ قويم المساعي

قم سولي كيفٍ بيمناك محبوك
بريةٍ تقند لها راس واعي

بنظم لي أبيات صعيبات و صكوك
تعطي لسامعها بحسن انطباعي

مثل الذهب قافي ثمينٍ ومسبوك
من شاعرٍ ما ينثني في الصراعي

صندوق فكري قفله اليوم مفكوك
جواهرٍ تشرى ولا هي تباعي

بطوع القيفان وتنوخ لي بروك
في المحفل الوافي حضوري يذاعي

باقف على المنبر ولاني بمربوك
مالي عذر ملزوم؛ بنجيب داعي

سلام ياربعي سلامٍ ومبروك
جينا نهنيكم، ونسعى سراعي

ملزوم نحضر حفلكم، مابه شكوك
وجهي طويل، ويلحقه طول باعي

لي لابةٍ منهو نصاهم ومنهوك
يبشر بعزه مطمئن، ما يراعي

حاز العقيلي مجد ماهوب مشروك
حنا سلايل من علا في النزاعي

لامن نواهم ذيب جاهل وصعلوك
عود مثل غيره عشاء للسباعي

يكفي لنا فخرٍ جدودي ترى ملوك
مجدٍ موثق حق، ماهو خداعي

حنا بني خالد لنا العز مملوك
ربي حبانا طيب ذكره يشاعي

بختم ببيتٍ فرع سمعك ونا خوك
أرجو التواضع منك، ثم استماعي

كانك عزيز النفس فالقوم عزوك
راح الضعيّف وجبةٍ للأفاعي

الشاعر /حسن بن فهد بن محمد آل طلحاب العقيلي الخالدي