#قصيدة مرثيه في الشيخ محمد #الغشام الخالدي رحمه الله

ابو صقر النهدي #قصيدة مرثيه في الشيخ محمد #الغشام الخالدي رحمه الله

‏ماني معارض حكم الله وقوله
‏نرضى بحكم الله في كل الأحوال

‏مرحوم يا شيخ الكرم والرجولة
‏مرحوم يا مبعد عن القيل والقال

‏محمد بن غشام لو غاب زوله
‏والله ماننساه لو الزمن طال

ابيات في رثاء / الشيخ محمد الغشام رحمه الله


الفقد والله فقدتي لابن غشام
هذا الفقيده لاطرينا فقيده

ياعين هل الدمع ماني منلام
هلت عليك من المصايب جديده

عاش ورحل بين الرياجيل مقدام
اسمه يزحزح للجبال العنيده

من دون ربعه واقفٍ درع وحزام
ماهمته صلف الليال الشديده

زكاة ماله كلها ضعوف وايتام
عاشوا عليها في سنينٍ عديده

ماهمته في فزعته هرج واعلام
ولاضنتي تكفيه مني قصيده

الله يبيحه عد دورات الايام
وجعل الحياه بوسط قبره سعيده

الشاعر حسين زرم