#الشاعر #رجاء مدالله السميحان العلي

دهام الرطبي #الشاعر #رجاء مدالله السميحان العلي



انتي رياض الحب يا كامله زين
وانتي العذيّه يوم صدري صحاري

محدودة ضلوعي ولا انتي تحدّين
منهو يحدّك يا جميل المهاري

انتي زرعتي الحب فيني بساتين
ومنهو بيسقي زرعك الإزدهاري

ولا انتظر غيرك من الناس والعين
ابا ارتوي بـ حضنك وهذا خياري

من عام ( ١٧ ) يومه بالالفين
ما كان لي بـ درب المحبّين طاري

يوم انخطف قلبي ولو حصنه متين
و شيّدت لي بيوت وقصور وعماري

وقمت ابني اشعار وقصايد عناوين
وقمت انثر ثياب(ن) عليها غباري

لبست لي ثوب(ن) مثل هالمحبّين
وقمت اتشخّص واقفلك يا زراري

ثم اندفعت بـ كامل شعور ويمين
ولا بخلتك والبخل في يساري

لا ما كسبتك من هداوه وسطرين
الا كسبتك من وقوع الشباري

وانا عشقتك والمحبّه الى الحين
ي اجمل محبه عشتها في انغماري

قد لي سنه مفارقك وحده وثلثين
ولا تناسيتك بـ عين اعتباري

ما عاد تنفع شوفتي لو تشوفين
الجفن سوّد من عنان انتظاري

بـ تبقين فيني داخل القلب تبقين
لو الظنون تبعدك عن مساري

وان كان مرّيتك من الوعد والدين
ما انسى وعود(ن) في وفاها انجباري

كتبتها و ودّي على الفلم فلمين
ما عاد يكفي الوقت ساعه جداري

والود ودّي في ضلوعي تكونين
وعلى الاقل يكون دارك بـ داري

بـ احميك من جور الزمن لو تشكّين
انتي بوجهي من صدوف الطواري

مثل الخوالد من قبل عدّت سنين
يوم انّهم صفّوا لبيض الحباري

الشاعر : رجاء مدالله السميحان العلي