لاباس يامن ينتهض للمواجيب

ابوصقر النهدي الخالدي يالله تشافي سيد الجود والطيب
اللي على قلبي عزيز وغااااالي
،،
فرحان ابن عمي عطيب المضاريب
لاحلة الهيه على كل جالي
،،
انشهد انه من طوال الاشانيب
النادر الشامخ كريم الخصالي
،،
يارب انا طالبك ياعالم الغيب
ياواحد فوق السموات عالي
،،
تشفيه يارب السموات ويطيب
ويقوم سالم ياعزيز الجلالي
،،
لاباس ياذيب الطوال المراقيب
يافزعة المضيوم اول وتالي
،،
لاباس يامن ينتهض للمواجيب
على النوايب مقدمٍ مايبالي
،،
مشاعري سقته والاوجاع ماتريب
جعله بسيطه ياكبير المعالي
،،

الشاعر ابوصقر النهدي الخالدي