الشاعر عبدالعزيز ابالغنيم الخالدي

دهام الرطبي الشاعر عبدالعزيز ابالغنيم الخالدي


عبدالعزيز بن عبدان من أهل البطين بنجد كان صديق لوالد الشاعر عبدالعزيز ابراهيم ابالغنيم الخالدي ،، بقى متواصلاً به ويزوره بعد وفاة والده .. تلقى خبر وفاته وهو في صيف بأبها
فقال هذه الأبيات:-

ياهل البطين أبكوا ع طير حوران
أبكو على حرٍ يصيد الجزايل
وأدعو له الجنة بعفوٍ وغفران
ينزل بها مع الصفوف الأوايل
مرحوم ياعبدالعزيز بن عبدان
ياصامل الوقفات وافي الخصايل
يالخيّر ياللي من طويلين الأيمان
ينعدّ لعدّو رجال القبايل
عده وجده من مشاهير قحطان
عبيدي من طيبين الحمايل
ياقل مثله نادراً بين الأقران
اللي نفل جيله بكسب النفايل
وعرضه نزيه ماعلى عرضه أدران
ملبوس عرضه ضافيات الفضايل
مهوب مشبوه من الحقد مليان
يجنح به المجنى خبيث الدغايل
ردي ساس ويحسب أنه كحيلان
وهو مكاسبه الردى والفشايل
ياكثر مثله عندنا بين الأوطان
عسى لهم من زايل الخلق زايل