حب الصقاره للشاعر براك بن عبدالعزيز المروت

 من هاجسن يرسل علي المناديب
فالمرتع الي فيه من كل الاعشاب

ياحي شوف الي كفوفه مخاضيب
وقت الهدد يطربك ماهوب تلاب

الي عيونه للحباري مشاهيب
للخارم المقفي ورا الغيم رغاب

نادر و لاكن مابكفه مخاليب
بدل مخاليبه مع شلفة ذياب

قرنس على كفه بروس المراقيب
هجرن ومتسند وله عاتق الداب

حب الصقاره ، مع هوى شمخ النيب
ورث الخوالد ، من طويلين الاشناب

مــن دونـهـا ، بالمرهفات المحاديب
حمو حباريها ، بــوديــان وهــضـاب

طويلت النسنوس حرشه العراقيب
والغـارب الـمـارق وتلعات الارقـاب

اوسوم اهلها تردع اهل المكاسيب
فـج الـنـحور الي اذانـيها حـراب

براك بن عبدالعزيز المروت

رابط الخبر بتطبيق بني خالد الرسمي