#الشاعر #حمد #الدليهي #هدب_عين_القصايد

دهام الرطبي #الشاعر #حمد #الدليهي
#هدب_عين_القصايد
#رابط #الفديو #على #قناة
#بني_خالد
https://youtu.be/RCD6HCX0aHo

يحملني خطا بتفه سبب ويقول انـا الغلطـان
على شانه أوافق لورمـاد الهـرج ماقلتـه

اداري خاطره يسمح لعلّْيّ أرضـي الزعـلان
لو انّي من عرفته مابعد هنته ولا.. ازعلته

قبل مااصير شاعر أحفظ لغيري نظم والحـان
أعد أشعـار غيـري كـل ماجيتـه وُقابلتـه

لكن اليوم شاعر وانهمر في حسنه الفتان
قصيد الغير عندي في حلا وصفـه تهازلتـه

بدعت الشعر من شانه وزخرفت القصيد اللوان
هدب عين القصايد باجمل الأبيـات كحلتـه

طبعت اسمه ورسمه والقصايد دونت ديـوان
ومـوال القصايـد لاطرالـي فيـه مولـتـه

اعيش بْواقعي قصة مسلسـل مالهـا عنـوان
درست النص واضح واخر الحلقـات مثلتـه

بعد باح العزا ماعاد لـذره بقـى ميـزان
تبيِيّن كل شيٍ باخـر المشـوار واولتـه

عبـاره سجليهـا ياليالـي والسنـد برهـان
يطيح يقوم شخصٍ ماعرف قدره ومنزلته

الا ياليـت عرفـه ماتهيـا بالزمـان وكـان
لاعاد الموقف اللي فيـه حصلنـي وحصلتـه

هذيك اللحظه اللي مالها في دنيتـي نسيـان
عواقبهـا رمتنـي واول الواقـع تجاهلـتـه

خذاني ماخذيته والنتيجه مركبٍ غرقـان
وسط غب البحر والموج ضدي هاج ماحتلتـه

خذاني والسراب اللي اشوفه يتًعب الضميـان
تميل الشمس تغرب والسراب امشي ولا طلته

حمد الدليهي