#الشاعر #احمد_الرطبي_الخالدي #بعنوان #من_هبس_انا_إيه

دهام الرطبي #الشاعر #احمد_الرطبي_الخالدي
#بعنوان #من_هبس_انا_إيه

#رابط #الفديو #على #قناة #بني_خالد

#بقلم #آداء #وتصميم #احمد_الرطبي_الخالدي
https://youtu.be/3mq3Ckd1M-o

إيـه اِنِحني توجيـــب واجــلال واكـبـار
يا قــافي اللي تعـطـي الحـقّ راعــيـــه

للشاعـر اللي مـــا على ابــيــاتــه غبـار
جــزل وعــذب أولــــه يا ليـــن تالـيــه

الشاعـــر الفتاك صــفـــوة هـــل الكار
من طيب راسـه حارم القاف يعصيـــه

ما لـــه شبيـــه الاه في كـــل الاقطــار
ولا غيّــــرت صكـــات بقعـــا مباديــه

"أكبر مـــن التكريــم في سِلم الادوار"
من قــو باســه يرعــب الجّــن طاريـه

يرقـــا سنــود ومحتزم عـــزم واصـــرار
لو قلت مهما قلت لا شـــك مـ اوفيـــه

دون الخــوي يدحم ولا يهاب الاخطار
من قبل لا يسأل على ويش وش فيـــه

ايترجـــم اقوالـــه فعل مـــوب غـــدار
يوم(ن) ولـــد اللاش حـــده حكاويـــه

الصّــارم الــدّربــاس عــبّــاس مغــوار
تكــرم عــن دروب النذالــه مواطــيــه

الهنشل السرحان الاخطل ذرى الجار
لا واهني مــــن كان يسكـن حواليــــه

لربــعـــه الويـــلان الوافـــي الـــبـــار
ولا شوهـــت دورات الايـــام ماظيـــه

يغنيك عن مـــا جاك في موجــز اخبار
السّاري السّاري أبــــو نــــوت يا هيــه

يفــرح لـ جـــاه الظيــف وتشع الانوار
للخــيـــر والمعـــروف مكثـــر أياديـــه

عــن حاجـــة المحتاج ما قــدم اعـذار
واللي زبـــن شــــرواه تبشر هقاويـــــه

أقولهـــا فـــي ســـر واجهــر بها جهار
حامـــد خــويي و أفتخـر فيـــه واغليه

يــا عل مــــن مثلــــه طويلين الاعمار
اللي على نهـجــــه وتمشي مماشيــــه

هذا وانا مـــن هبــس واحــب الاحرار
رغم انعزالي جنب من هبس انا إيــــه

رغـــم الشقى والظلم وسموم الاغـوار
ورغم الظروف وكيد الاذناب معليـــه

خلف الهدوء ايعيش من مبطي اعصار
لا ثار مــــا يرحــــم وهــــاذي مواريــه

ماهوب انـا اللي يتقي خلــــف الاعذار
وماهوب انـا اللي يقول للكلب يا بيـــه

لي هاجسٍ لا مــن شلـع جــاب الابكار
عذب الصور وابداع محد (ن) يجاريـه

ايفج صدر الغيم ويــسـوق الامــطــار
يروي ضمى شعور (ن) من العام جافيه

امبروز الصــــورة والابــــداع الافكـــار
واصــــدق أحاسيس القصيد ومأسيـه

يا هبس انا من هبس افـا مالي انصار
والصدر كاتـم بــــه عتاب ومشاريــــه

لا بد ما الايــــام تكشـــف لــي اسرار
وبالساعه اللي احتجت كم غابت وجيه

رابط المقطع على ( موقع الشعر ) .. صوتية Mp3 + كتابية
https://www.alsh3r.com/poems/view/82274

رابط القصيدة على موقع ( بوابة الشعراء )