#الشاعر #حسن بن فهد آل طلحاب #العقيلي الخالدي

جابر الضويحي #الشاعر #حسن بن فهد آل طلحاب #العقيلي الخالدي


القطاعه نارها تجعل الأخضر هشيم
************ ** والمواصل لذته خير من بيرٍ قراح

والسعاده نورها يقشع الليل البهيم
*********** * والتعاسه جرحها ساطيٍ كل الجراح

المصايب لا لفت حيرت عقل الحليم
******* ** تودعه في غيب جبٍ ولا حوله سراح

فافدٍ لي غاليٍ نار بعده في الصميم
************** * يوم روَّح وابتعد باقيٍ حبه ماراح

حالتي من عقبها حالة الطفل اليتيم
*********** * عزتيله منكسر وانكفى حظه وطاح

أو كما شيخٍ قضى طول عمره في نعيم
****** ** اطرحه سهم البلاء والصدر بالغبن فاح *******

كل فرقى موجعه والبلاء فرقى حميم
********* *** ماتعوض غيبته، مكسبه كل النجاح

المطالع واخسفت ساهرٍ ليلي واهيم
******* * *إنَّجمت ولا وعيت إلا في نور الصباح

يالي تنشد حالتي؟ ربِ في حالي عليم
**** ضاق صدري بدنيتي ؛ يالله تاليها إنشراح

يا هجوسي فاسترح، دام لك ربٍ حكيم
*** * * والبشر لاتشحنك، والفرج في الأفق لاح

ألتجي ثم أنتخي صوب من يحيي الرميم
****** يحيي وردٍ ذابلٍ، والغثاء في الصدر زاح

حسن بن فهد آل طلحاب العقيلي الخالدي
سناب /hfmtk
١٣ / ٩ / ١٤٤١ هجري

**********