#الشاعر #حمد #الدليهي #واتساب

دهام الرطبي #الشاعر #حمد #الدليهي
#واتساب
#رابط #الفديو #على #قناة #بني_خالد
https://youtu.be/WK9UbvSy0aU

واتساب

وين انت يافن السؤال اللي لك اهديت الجواب
ضاعت معالم يمتك واشوف ماغيرك ونيس

ايامك اللي خالده من فوق هامات السحاب
فيها سديد الراي مايبلش ولايشكي تعيس

سلوة مزاجي تنحصر والنفس في حال اغتراب
مكسور خاطر عالمي من غبت يالدر النفيس

في مامضى كانت مجالسنا وصفحات الكتاب
افضل مدارسنا مجالس والكتاب افضل جليس

واليوم تدنيق الأوادم والنظر في واتْساب
راحت مبادي مجتمعنا فلسفة فكرٍ فليس

الحزن في بنك الفرح مستثمر وفاتح حْساب
فاقد مْنقيّين السوالف وابتسامات العريس

دنياي في مشهد سراب وُلاحقايقها سراب
اقيس والا في مقامات الأسامي ما أقيس

الحر ريشه طاح والتجديد في ريش الغراب
العرف بْصدور العوارف صار في وضعٍ حبيس

الصمت ماهو صمت حكمه واحترام الناس غاب
والعشق ماهو عشق ليلى العامري في حب قيس

رضيت والا مارضيت الباب غيره صار باب
من يوم صار السبت عطله والعمل يوم الخميس


شعر- حمد الدليهي