لايالقوافـي عـوّدي حــزة اعصيــر

ابوصقر النهدي اهداء للشيخ / طلال بن محمد ابن ثنيان المهاشير الخالدي
------
لايالقوافـي عـوّدي حــزة اعصيــر
هاتــن جــزيل طروقكـن والجزايل
،،
هلـن علـي يالمفــردات المعاصيـــر
يالــنادرات الطيبــات الجـــلايـــل
،،
ابمـدح اللي لاعطـى مدتــه غيِـــر
الشيخ ابو محمد حميد الخصايل
،،
زحــزيح قــوم مقدمــن للمنـاعيــر
ترثــة شيـوخ يــوم عـج الاصــايل
،،
طــــلال ابن محمد زعيم المهاشير
هديتـــه جتنــي شـريف السلايـل
،،
اليا عطـى يعطـي محبـه وتقديــر
الحـر الاشقــر وان نوى مايخايل
،،
افنى حلالـــه بالعطــايا المكـِـابير
ياطيب مــداتــه كبيــر الفعـــايــل
،،
له وقفـــة فيهــا كثيـــر التبــاشيـر
وعنــدي علــى ذلك كثيــر الـدلايل
،،
غير الكـرم والطيب والعــز والخير
شيــخ تميــز بيــن كــل القبــايــل
،،
له مجلس عامــر يظــل الخطاطير
من جاء له بحـاجه رجع منه طايل
،،
من ســربة قـادت زحول الطوابير
يوم العـــرب مابيـن صايل وعـايل
،،
ابختصـرها واشكرك حــيل يامير
بالــواتس ياتي لك وعبـر الرسايل
-----
الشاعر محمد بن قديم النهدي الخالدي