#قصيدة_من #الشاعر #عقلا_ابن #محمود_الرطبي #في_زواج_ابن_العم #عبدالرحمن_بن_محمد #العقلا #البادي

ابو صقر النهدي #قصيدة_من #الشاعر #عقلا_ابن #محمود_الرطبي #في_زواج_ابن_العم #عبدالرحمن_بن_محمد #العقلا #البادي.
#رابط #الفديوه #على #قناة #بني_خالد
https://youtu.be/IIPI-1Hgsm4

قصيدة من الشاعر عقلا ابن محمود الرطبي
في زواج ابن العم عبدالرحمن بن محمد العقلا البادي

" ضنا مخزوم "-
يا عسا مبروك حفلك يبو الفعل المجيد
يا سليل العقلا اللي عداهم في كسور

هاض هاجوسي وجاب الجزايل* والفريد
وجيت اشارك بالحفل مبتهج كلي سرور

مرحبا يا .. عيال خالد ، مليّنة . العنيد
مرحبا يا اخوان : شما مقصبة .. النحور

يا ضنا مخزوم ربعي هل الباس الشديد
صيتكم ناموس وافعالكم تعطي : غرور

ماني بجاي امدح الفعل واكرر و اعيد
جيت اذكر من نسى بأن وضعه في دبور

ما جهل في فعلنا كود مرجوجاً . بليد
ومن نسى فعل الخوالد لا بده ما يبور
-
صيتنا بيّن وهذا هو .. الشي .. الاكيد
ثابتاً ما غيّره كثرة .. سنين .. العصور

فالمناهج حن نِدَرّس ولا فيها . جديد
حيّكم يا عزوتاً .. فالمواقف ، ما تخور

جدنا سيف الله اللي له يلان . الحديد
خالد اللي اسقط الفرس والروم بشهور

وخلّف رجالً كريمة لها رايً ... سديد
احكمو شرق الجزيرة وضمـوّه لدهور

واحفظو أمن القبايل على الوقت المديد
واحفظو أمن القوافل وخلوها .. تدور
-
شاش راسي واللي به جنّ ً مسلّط مريد
يكتب الأبيات عجلاً ولا هو بْـصـبـور

قلت فأكتب يا قريني على البحر المديد
أنهُ بحراً .. وهوْ خيرُ انواع .. البحور

عزوتي تردا المنية لها جنداً . عديد
ما يهمّه : لو ليالِ الدهر ، دايم تجور