قصيده ربعي هل الحيزا للشاعر سعود الشمردل

 قصيده ربعي هل الحيزا
للشاعر سعود عايد الشمردل
.
صُـفْـر الدلال مبـهّـراتٍ لهـن فــــوح
مع حلوة أهل الجوف سقم المعادي
في مجلسٍ مصتك من كل زحزوح
يجمعهم البيرق وصوت المنادي
أهل الوفا والطّـيـب فدّايـة الـروح
بيوت الشهامة والكــرم والبـوادي
ريح الشحم والعُودْ دايم لهن فوح
أهل الجمايل في الرخا والشّدادي
لا يا حمام الدوح ارجوك لا تنـوح
دامك سكنت الجوف لا ما تصادي
حامينها بيض الحباري كما الروح
بالمرجله والطّيب وقدح الزنــادي
ربعي هل الحيـزا زَبْـن كل مجـروح
من دونـكم تقصـر دروبٍ بـعــادي
يا رب جـمّلني لو الصـوت مـبـحوح
لا صـارت الهقـوه أعـاف الرّقـــادي
.
# سعود عايد الشمردل #