قصيدة السياري في الجهيران

بدر بن دهام  قصيدة مدح الشاعر : متعب منصور السياري الخالدي

في ناصر بن حمد الجهيران الخالدي

ياهجوس الشعر عطني من خيار القصيد
شاعرك مجنون فكرة ويغرف من بحر

كل ليلة يصنع ابداع با استايل جديد
شيب بروس الجماهير واسرف فالشعر

القريّب في عيونة على !!! غيرة بعيد
دايم الابداع ... يحضر ليا منة حضر

لا بغى يمدح هل الطيب والراي السديد
مثل ابو حمد هنا المجد وافخر يافخر

ياناصر يامحزم الجنب يانعم!! العضيد
والله انك راس من روس وحزام وذخر

خالديً .. فالمواجيب . سيفً من حديد
جابها طيب وطناخة وفزعات وظفر

اعتلا بالفعل . في قمة .. المجد التليد
كابرً من روس ... اكابر وللة الكبر

من بني خالد هل المجد والباس الشديد
لابةً بالطيب تطلع وراء سطح القمر

بالعزوم وبالفعايل وبالطنخة تزيد
مجدهم يشهد له الوقت لن طال او قصر

دام حاضركم مفاخر وماضيكم رصيد
المديح يزيد لا اطريتكم عز وسّطر

بس ابو حمد رفيقً عسى عمرة مديد
لة معزة غير فالصدر عن كل البشر


@mt3b_70
الشاعر : متعب منصور السياري الخالدي