#الشاعر #حمد #الدليهي #جسر_الطرب

ابو صقر النهدي #الشاعر #حمد #الدليهي
#جسر_الطرب
#رابط #الفديوه #على #قناة #بني_خالد
https://youtu.be/Tmz1Sh-ElAo

ضاعت مبادي مجتمعنا يامحمود
صوّر وكرسي صالة الحفل فره

لو قلت لي سلمي عراقيل وقيود
ماتغيّر المفهوم مره ومره

مابيني وبينك مواريث وجدود
غير الفوايد واجتناب المضره

والعرف لامن مال يقفاه منقود
والعرف مايلحق غشيمٍ يغره

والحق حسب الشرع لوضاع مردود
والوقت لامن زان ماغاب شره

تعال اسولف لك عن الشيخ مقصود
مقصود قصدي لانكشف مايسره

اخير من وصله ومن شوفه اصدود
مااشره عليه ولا علي إيتشره

اللي ليامن غاب ماهوب مفقود
امر جسره والنظر فيه صره

جسر الطرب ماهو جسر راعي الذود
اللي على درب المسافر وامره

لو حط بيت وحط اناره لها عقود
بيته ماهو بيت النشاما مقره

مايرتفع صوته على ذكر معبود
صوته ورى صوت المغني يجره

وان صار عنده مال وان قالوا ايجود
المال عن بحث الهويه يثره

العولمه خلّت حلاياه معدود
والا زراره لاندلع مايزره

جغرافيا بيته لها عندي حدود
هامش كتاب اللي له الأسم طره

لولا رجالٍ ذكرهم دايم سنود
تقديرهم عندي ينوش المجره

لابيّن اسمه واكشف النقص والزود
والكحل الاشهب في عيونه لاذره

واللي عليها عندي اثبات وشهود
حره طرف واطراف ماهيب حره

بيضاً دخلها في خفي عظمها سود
عقب الحلا صارت مع الناس مره

والشعر حبلي فيه مرهي ومدود
فيه اتمتع رحلتي مستمره

إليا مدحت امدح مطاليق وافهود
ولياهجيت انسف على الضلع بره


حمد الدليهي