درب السلامه : للشاعر عبدالله خالد الخالدي

بدر بن دهام  

درب السلامه

يا راسي اللي مع الآيام لا زال
يقدح وفى من شجاعه لي فخامه

يا جعل تفـدى جنابك روس الانذال
اللي بنظراتهـم كيد وعلامـه

حنّا زرعنا المحبّه قول وافعـال
من يوم ظهر الجمل فوقه سنامه

كل يوم اشوف الزمن متقلّب احوال
ولا عاد نبغي سوى درب السلامه

العم يبقى فخـر والعزّ ب الخـال
وش عاد باللي خواله من عمامـه

بعض الحكـي لا تفوّه فيه جهّال
ما آظـن تحتاج تسمع لي ختامـه

ما كل صاحب شنب ينعـدّ رجّـال
نفهم معانيـه من نبـرة كلامه

ودك ليا من حكى في قيلٍ وقال
تمسك لسانه تسوي له حجامه

بعض القناعات حدّتني على الجال
يا ما ابشع الحرّ بعيون الحمامه

أول دروب الحضاره صنع الاجيال
وآخـر دروب الـوفيّـيـن الملامـه

واقصر عْمر للصداقه صحبة المال
وأطول مسافه . . مراويح الغمامه

أكذب مواقـف تجي من يمّ عـذّال
واصدق ملامح ... دموعٍ بابتسامه

وآمـرّ فـرقـى فـراق الأم وعيـال
واحلى المواعيد من عقب الندامه

ما كـل من سيّل دموعك ب محتال
ولا كل من صفّـق لفوزك شهامـه

يفرق رجال الوفـى ورجال الاعمـال
وحسّـان ما هـو بمثـل آبو دلامه

أنام ليلي وانا ازرع واجد آمـال
واقعد ولا احصد سوى حب وكرامه

هذا هُوَ الحال يا ناشد عن الحـال
ما عاد نبغي سوى درب السلامـه

عبدالله خالد الخالدي