#قصيدة الشاعر #حمدالدليهي

ابو صقر النهدي #قصيدة الشاعر #حمدالدليهي
#رابط #الفديوه #على #قناة #بني_خالد
https://youtu.be/OqEqds6XJF4
يقول منهو ينظم الشعر ماضاع
شاعر لياعدو هل الشعر محسوب

له في جميع اغراضه السبعه ابداع
قبل السناب وقبل واتساب وقروب


والفوز ناموس وفخر دوم وامتاع
يستاهله قرمٍ على كل ماجوب

فهد سعد وسبيع له عز واسباع
متسلسلٍ من راس الامجاد جبجوب

وسبيع دايم بالاوائل والأسناع
من قبل عرقوبه ومن قبل عرقوب

واليوم حقق له فهد صيتٍ يذاع
فوزه طبيعي يعتبر شي مرقوب

يستاهله وابوسعد وافي ذراع
تصفق مع فوزه قيادات وشعوب

شارك بوضحاً فارقة شكل واطباع
والمركز الاول ماهو فيه مغلوب

اتلاد ماهي بين شاري وبيّاع
بنت اوضحٍ ماهو بالانتاج مقلوب

لا لد فيها راعي الصنف طماع
من زينها تنشب بها عيون وقلوب

كنه يحركها على الارض رفّاع
الكاملة والنادرة مابها عيوب


مقياضها الصنقل وابا القور مرباع
ماصوعة في شبك واصباخ ودروب

واللجنة اللي رشحتها بالأجماع
يهدى لها التقدير مع كل مندوب


حمد الدليهي