قصيده مهداة

عيسى الناصر ( عيديه )

عيدك مبارك ياعشيري عميدي
عميد ابن صالح عسى ايامك اسعاد
عيديتك كتبتها في قصيدي
وصلت للطولات يالذيب بعناد
عيدك سعيدن يابو صالح عضيدي
جبرت كسري يابن الاجواد بضماد
ياعل عمرك يابو صالح مديدي
هذي علومك من ورى شط بغداد
يالخالدي وصلت حبل الوريدي
من كثر فزعاتك ترى حبك ازداد
ايام راحت كان ضرفي شديدي
شربت من كاس الشقى كم مقصاد
لك فزعتن تكسر صليب الحديدي
وتطرد عن المظيوم يالذيب الانكاد
فزعت ماقصرت فعلك مجيدي
طيبك وراثه يابن الاجواد من غاد
يفداك عفنن عن دروبك يحيدي
ومايرتكي للحمل ياكود الاحياد
يفداك والله كل عفنن بليدي
ماياصل الطولات من كبّر وساد
( تمت )
الشاعر/ راكان بن دواس المشيط الزميلي الشمري