قصيدة #مجد_الخوالد

دهام الرطبي قصيدة #مجد_الخوالد
كانت من ضمن قصائد الأمسية الشعرية الكبرى
(والنعم في كل القبائل العربية العريقة)


مجد الخوالد ما تغيب ولو غاب
حظ تخلى بين غدر ومكيده

قبيلتي يحسب لها الكوكب احساب
يا ليتها مجد مضى تستعيده

امغيثة المتلهف وكل طلاب
جاها بنقص الحال قامت تزيده

علمن لفاني وقلت ابد خيل واركاب
لديار (ابن فايز ) ونعم البديده

درب السلامه يا مفازيع الاجناب
درب(ن) معاه الروح راحت شريده

مع دقة السلف اشتعل قلب محطاب
وغابة قصيد الوجد هاجت وقيده

وامطر هميل الفخر من بين الاهداب
فاضت سيوله فوق خدي شديده

في موكب الفرسان من ربع واصحاب
هبة عمام ولابة(ن) لي عنيده

والخالدي وافي ذخر كل منصاب
شد العزوم وصاح والحق بيده

دامه عريب الساس من جد ماهاب..
كل الجيوش وكان للدين عيده

كاسر جيوش الروم فيه الفخر طاب...
(سيف الله المسلول نصر العقيده)

واحفاده الفرسان عالين الانساب..
بنك المراجل في تزايد رصيده...

هيبه ومعزه مع وفا لعهد الاصحاب...
للجار ستر وللشجاعه قصيده...

الله خلقنا روس مانحسب احساب
إلا لخالقنا ،، لأنا عبيده

ذيب الخوالد يدرع بعشرة اذياب
واصغر صبي من يوم يطلع وليده

ناطا على خشم الردي ونذبح الداب ونحشم خوينا والمواقف شهيده

واذا تواجد بيننا ارخاص واذناب
تشميسهم يصدر براس الجريده

منبع حميتنا حراير وشياب
زغرودة ن واعقال محذوف سيده

والبرتغالي يوم جيشه طرق باب
للحرب ، والرد انتهى بامر سيده

هب (العريعر) وانتخى عكف الاشناب
والمنتخى قام يحصدها حصيده

فالمجد والتاريخ والحاضر اطناب
ل اصروح عز محصنات(ن) فريدة

لهل السموت اكبارها بيوت ركاب
حمر الأصايل يوم كون ووعيده

حيزه على شانك ترى نرخص ارقاب
يااعظم قبيله بارث دوله مجيده

عزوة خليج وشام واعروقنا اكتاب
وكل(ن) جرى حبر الحميه بوريده

ماهو قصورن بالقبايل والانساب
كل من الوقفات ياخذ حميده

يا عصابة الراس ومداهيل واطياب
في مهرجان الحيز خطوة سديدة

في ملتقى أسود شعر لها انياب
كم دسمت من ساحة الشعر صيده

وانا من المرطه الين الشعر شاب
جمعت خبراتي وجبت الفريده

ما ادور منور وتعليق واعجاب
ادور الصعبه واجيب الطريده

اذا تنحنحت اعزف بعود زرياب
واذا عطست اقول جملة مفيدة

واختامها حنا بوطن سيد الاعراب
على العهد وافين كلمة وكيده

نرفل بحكم الهاشمي اجمل اثياب
خير ومعزة وامن ربي يزيده

(والحمد لله مقدر(ن) كل الاسباب
وازكى صلاة ع النبي الفقيده)

ماهر السليم الخالدي #تايه_زمن
الحمراء / المفرق