#قصيدة #دحام بن #عايش الخالدي

جاسم الدبيسي #قصيدة #دحام بن #عايش الخالدي

يامهلي الحشاش تشتب ناره
جمر الغضا با الصدر ياخوك مشبوب
كلن نهار العيد ارسل عباره
وانا نهار العيد ضايق بي الثوب
عزاه يا حلم ن تهدم جداره
كني عليه بليله العيد مصلوب
اون ونه من تكسر اجباره
خلوه ربعه للمعادين مطلوب
كني خلاوي وجتني الخيل غاره
وحالو بي العدوان من حدب ن وصوب
وانا عزاي ولوعتي والمراره
دمعه على الخدين قادوه مقصوب
ماعاد يرجع لو يطول انتضاره
حتى الرسايل مالها اليوم مندوب
من غاب عني وافختتنا دياره
لا لذ لي زادن ولاطاب مشروب
ابو جديل ن فوق الامتان داره
موضي الجبين وناحل الجوف مسلوب
شيدت له بوسط الحنايا اماره
مايسكنه غيره من الناس محبوب

وين انت يانافول جميع العذاره
وين انت يااللي باالمزايين مهيوب
كلمات دحام بن عايش الخالدي