#قصيدة مهداه إلى ابن #العم الغالي #الشيخ #يوسف بن زيد ال مانع العقيلي #الخالدي،

جابر الضويحي. قصيدة مهداه، إلى ابن العم الغالي الكفو الشيخ /يوسف بن زيد ال مانع العقيلي الخالدي،


قال الذي وابيات قافه كما اللول
***** **** ******** تنطق معانيها ولو كان ماقال

نوادرٍ شرَّد تحيَّر بها اعقول
***************** صدنا فرايدها ولو دونها اقفال

حتى بنات الفكر قد صابها اذهول
********* من صعب ماقفها وهي تنحت اجبال

ياقاف بمدح لي مناعير وزحول
***** ********** مدح الكفو عندي كما بارد ازلال

سلم على اللي كل صعبه لها يطول
********* ***** يركي لها لو كان في وسط زلزال

نقصد ترى يوسف له الخاطر يقول
********** ********* وَفَّيت يا قرمٍ ونرفع له اعقال

الصيت ذايع لاهو خافي ومجهول
***************** مشهور طيبك للصعيبات تشتال

يالي على البيضا موفق ومجمول
******* ********** سلام يا رمز الوفاء طيب الفال

لامن نصاك الحر ما قلت مشغول
**************** لك منزلٍ شامخ وعالي له اظلال

أنت الكرم ساسه وراسه ومجبول
****** ******** لك وقفةٍ تطغى على كبار الأفعال

مجلسك عامر ما يجي دونه اقفول
****** *********** ومدتك تكفي عن ثمانين رجال

انت السحاب اللي يجي عقبه اسيول
*********** ******* انت البدر نوره على كل منزال

ذروة سنام العز قد طلت وتجول
******* ********* الله يجيرك من سفاهات الانذال

تصمت بحكمه والمواقف لك افعول
**** ********* ماهي غريبه طاب جدك مع الخال

من ال مانع كل طيبٍ له اتنول
********* ******** وابوك زيد اللي له افعولٍ اثقال

يا رب تغفر له وتجعله مقبول
****** ******* **** الشايب الي في مباديه ما مال

واشهد ترى اخوانك كريمين واعدول
****** **** ****** رجَّالكم محزم ليا صارت اهوال

اعيال زيد اللي كما السيف مسلول
*************** على الذي عايب وحاسد ومختال

لاكنهم كالشهد صافي ومعسول
************ مع الخوي والضيف من فوق الآمال

ياجعل عمرك يابو ياسر عسى يطول
******* ** ***** يلي على الشدات ساطي وحلَّال

وختامها مني سلام وموصول
****************** ياصَلْك في دارك ولا هو بجوال


بقلم /حسن بن فهد آل طلحاب العقيلي الخالدي.
******************** ١٠/٧/ ١٤٤٠هجري