قصيده الشاعر محمد بن منصور باسره المجدل وجزيره جنه

 محمد بن منصور السبيعي قايل قصيده مسنده على سلطان بن ملفي الهاجري ويمدح فيها محمد بن عجينه السبيعي ومن ضمن الابيات يقول
يحب فعل الطيب ولا يخليه
مثل محبة ال مجدل لجنه.
وصلت القصيدة لـ محمد بن علي المجدل وكلمه وشكر على تضمين البيت بالقصيدة وحلف علية بالكرامة
وهو بيض الله وجهه ووجيهكم قدر المكالمة والعزيمة
وقال القصيدة

ياما سهرت الليله السرمديه
والنفس من جور الزمان معلوله

ذي عادة ً عند النفوس الشقيه
حلو الكرى ماهو يجي بالسهوله

ياحي حي اللي روابعه حيه
يفداه من كانت عزومه كسوله

من لاعرف ولا اعترف بالحميه
ياجعل ربي يامحمد يزوله

جنه لكم من عاد بقعا صبيه
واللي يقول العكس ناس مهبوله

صدر لها امر ً من الداخليه
بالحق ماهو بالوسط والسيوله

المجد ورث اللاّبه الخالديه
حمولة ياطيبها من حموله

اللي رحل منكم فعوله قويه
واللي بقي منكم جزالً فعوله

يابو على وانته كفوفك نديه
ومن طيب راسك ماتقوله تطوله

يابو المراجل يازبون الونيه
من قو باسك كل كايد تنوله

كفو ولك عند العرب قابليه
لانك تسوي الطيب على اصوله

حق ال مجدل يابن مجدل عليه
اكبر بعيني من قصيد ً نقوله

الشاعر / محمد بن منصور


رابط القصيده بقناة بني خالد الرسميه باليوتيوب
https://youtu.be/LQZ6MigeNy4

نشر بواسطه #حمود_الخطيمي