صفوة هل العوجا الشاعر خلف الخطيمي الخالدي

زيد القصير  الشمس ترسل من سنى نورها عهود

عهدٍ يغيب وعهد تشرق عهوده

وانتم عمود البيت يالابة الجود

صفوة هل العوجا رواسي عموده

يوم السعد اشرق مع مولد العود

عبدالعزيز اللي تحامت اسعوده

حرٍ شهر بالطيب من ماكر سعود

خلى الشمالي والجنوبي جنوده

على الشدايد شد.. و(رقبان) بشهود

وصهيل (لمنيفه) رجف في رعوده

عقب الوعر صارت تساهيل وسهود

وعلى الشريعه حدد اقصى حدوده

هذاك ابو تركي ذرى كل مضهود

وذرى الجزيره كلها في عضوده

سلمان فيك العود ما غاب موجود

شفنا (امعزي) في وجودك وجوده

حاكم حكيم وتعرف بغير منشود

فكتاب صدرك كافياتٍ اسنوده

راس العرين اللي به نمور وفهود

وابو فهد سلمان يبخص افهوده

اللي عطى عهده وخلاه مسنود

على اسودٍ من غطارف اسوده

النايف محمد من الناس محمود

راكد يحل المعضله في ركوده

همه سلام الدار وان جاه مقرود

نفسه على درب المعالي تقوده

كفو ولي العهد يمناه ممدود

بالخير و أهل الخير تشهد جهوده

يثني لبن عمه على كايد الكود

ولي ولي العهد وافي وعوده

ونعمٍ لبو سلمان مليون في زود

نجم الشباب اللي تسامى صعوده

على عدو الدين له راي وجنود

بصقور جيشه وافياتٍ ردوده

ما قلطه سلمان إلاه بالود

وارث مواري حنكته من جدوده

يالمملكه شعبك من الناس محسود

وابو فهد يمناه تعمي حسوده

ناسٍ غشاها النوم والنوم مفقود

وبيوت فوق اطفال اهلها مهدوده

اسلامهم من وحي عزرا وتلمود

وافعالهم فعل النصارى ويهوده

تاريخهم تاريخ اصحاب الاخدود

ويالله منهو كاد كيده يكوده

ما بين عزم وحزم بالبيض والسود

المملكه من فضل ربي محموده

من الحديثه وتحت والأمن ممهود

وسر بالفيافي والصحاري لسوده

نعمه تبي شكران وركوع وسجود

ودعوة مواطن في بواكر سجوده

امامنا خذنا بيمناك بارود

وجميلكم اجيال تحفظ بنوده

الشاعر/ خلف حمود الخطيمي الخالدي - الكويت - أكاديمي كويتي.. وعضو رابطة الأدباء الكويتيين