خيبة امل للشاعر سامي القفطان

محمدالناعم خيبة امل وحده كفيله تغيرك
وشلون عاد ان خابت آمال وظنون

عايش وطيبك يامرك ويسيرك
وفجأه كذا تلقى يسيرك الجنون

يصغر بعينك شي مالي ناظرك
وأشياء تكبر كانت بعينك تهون

وأشياء تتركها وهي ماتنترك
حتى ولو تركها يهد المتون

تتغير اطباعك ونفسك تعذرك
وردود فعلك عادي بحده تكون

ومايعود اية سي يكسر خاطرك
وتقسى بعد ماكان لك قلب حنون

والله يابعض المواقف يقهرك
قهر الرجال مبكي جفاف العيون

والله مابالكون شي يغيرك
كثر الوفي اللي بعد عشره يخون
الشاعر/سامي حمدان القفطان


رابط القصيده عبر قناة بني خالد باليوتيوب
https://youtu.be/jxIf40B7u_Q