#جديدي #الشاعرتيسير الدرعان " ابو سلمى "

محمد الناعم #جديدي #الشاعرتيسير الدرعان
" ابو سلمى "
الى حبيبنا اخو الدنيا الوافي
الشاعرالاديب /صالح اللحيد الضويحي الخالدي

يابوذكرى والظروف اقسى من جلود الضباع
.......الضباع اللي تحد سنونها بجلودها

مثل صم الجال الاسود صم نار وصم قاع
.......وفيه صل ومعه صل بقارته ويسودها

ومن تحتها قيل شين يظهر فجوجٍ وساع
......مير عقب العلم الاول من يروم يرودها

شايف نفوس الشحاح تذل بنفوس الجياع
.....وفوقه اجياع النفوس تجرها وتقودها

والطمع دربٍ يودي من الامان إلى الضياع
......حالةٍ ماعاد تعرف نقصها من زودها

والا انا لي رأس مال ورأس مالي يالشجاع
....مايخيب عرف راسي بالرجال وجودها

وانت رجلٍ لك علوم ولك فعول وصيت ذاع
....صيت من شق السحابه من دوي رعودها

لك يمينٍ من عطاها خلت الشبرين باع
......فارقه عن مدة اللي مدها منقودها

وبالمراجل لك تجاره ماتبور ولا تباع
.....تجرة الاحفاد مكسب من علوم جدودها

مثل مالي بالمفاخر لا ذكرتك بإجتماع
.....يجتمع به روس قوما فعلها بارودها

ياحديث الساعه اللي طيب نفسك للنخاع
..... لك فعولٍ واصلتنا من كلام شهودها

ياكريم النفس مثلك لاحضر سلم ونزاع
.....له يرد العلم الاول منه يوخذ فودها

ياحفيد الحيد جدك له مناخ وهو مطاع
......بالجزيره والجزيره عارفين فهودها

ولك سلام ولك تحيه بالختام وبالوداع
.....في بيوتٍ سبق يدك ساق لي اردودها