#كلمات #وإلقاء #الشاعر #فهد العويضة( اللابة الخالدية)

محمد الناعم #كلمات #وإلقاء #الشاعر #فهد العويضة( اللابة الخالدية)
#رابط #الفديوه على#قناة #بني_خالد
https://youtu.be/NYdKFf__7vg
الشعر بحرٍ والبحر فيه مرجان
وفيني على بحور الشعر مقدرية
شاعر واصوغ أفكار شعري بإتقان
من فضل 2ربي أحبك القافيه
ومطوعٍ قافي على كل نيشان
الله وهبني موهبة شعرية
ابدع واجيب القافيه حسب الأوزان
وبيوت قافي جبتها من حميه
والقاف هذا صغت قافه على شان
ربعي بني خالد أسود بليه
سلام يا قوم صناديد شجعان
لطامة العايل وستر البنيه
من فالشمال ومن سكن ساحل عمان
وخليجنا والشام ونجد العذية
وأهل العراق اللي كما السد لإيران
وخوالد الأحواز لغم وشظية
خوالدٍ تلعن ثوى كل شيطان
خوالدٍ وكفوفها حاتميه
جبلة فينا من الله كرمان
جود وكرم ونفوس دمث وسخيه
بهبس العزاوي نشعل الأرض نيران
وهباس تورد خصمنا للمنية
تاريخنا يدرس وسط كل ميدان
بكتب المدارس وأيضاً الجامعيه
تاريخنا ما هو أساطير بهتان
تاريخنا كله قصص واقعيه
تاريخ مجدٍ سطر العز بألوان
عمله وبيرق دولةٍ خالديه
دوله بإثر دوله مهو لعب صبيان
واللي جهلنا جاهلٍ في غيّه
أجود ولد زامل على العرب سلطان
وذريته ربعي جبورٍ ابيه
بمذكرات الغرب مثبت بعنوان
حاكم محنك دولته جبريه
والبرتغالي جاب الاسطول شرهان
ومقرن وقف له وقفة اليعربيه
وحيف على بيض الحباري بليهان
سعدون عريعر لعنبو حاسديه
سعدون وانشد من حكم قصر دسمان
وأهل الحساء والديرة الساحلية
انشد قبايل يام ولامٍ وقحطان
والوايلي ومن عزوته ضيغمية
والمنتفق ومطير وعتيبه وظفران
وتميم واللي حاكم الغربية
وانشد بني هاجر ومره وعجمان
وسبيع وزعب وعزوة الدوسرية
وباقي قبايلها حضرٍ وبدوان
من غربها لحدودها الشرقية
تنبيك عن فعله وتجعلك حيران
سعدون يوم ان الليالي شقيه
الحق ابلج والبُطل ماله اعوان
كنا ولا زلنا على المنهجية
وأنا قريشي من سلالات فرسان
خيالة الحيزا رجالٍ قوية
بالجوف أو في كل ديره لنا شان
ومنهو زبنا ما تجيه الخطيه
في ديرة سكاكا نزلنا من ازمان
قبل التوابع والسجل والهوية
ولا أحدٍ نزلها قبلنا وهاك برهان
الضلع ربعي من بنو فيه طيّه
قبل أربع قرونٍ جعلناه مسكان
إمن الحساء جينا ونزلنا بحيه
ذرية قريش الفخر نسل عدنان
ربعي هل الوقفات فوق العبيه
اخوان شما لانتخى كل ضميان
وقفاتهم تروي كبود ضميه
آل الضويحي والعلي سيوف شامان
والدندني والسيف الأجرب سويه
وفي دومة الجندل أميرٍ كحيلان
ابن درع والعزوه الصيرمية
العزوه اللي كنها طيور حوران
ومنهو نواهم راح عمره ضحية
بفعولهم أفخر على كل فسقان
هم عزوتي هم لابتي الخالدية
قلاعنا في جوفنا شاهد أعيان
الضلع ومارد قلعتينٍ عصيه
ومفضي قال الضلع ماهو بالأثمان
ما يباع لو وزن ذهب يا بريه
عيو بهن ربعي على كل طمعان
وسادو بهن واللي زبن وا هنيه
ابن رشيد اللي حكم قصر برزان
حاكم امارة حايل الشمرية
زبن على ربعي من الضيم بحلان
عند الضويحي هو وعبيد خيه
وربعي حموهم يوم فيه الزمن خان
وحسبة عيال قريش مع كل هيّة
حموه ربعي من عمامه وعدوان
وحي القريشي لأعتزى في خويه
في ضلعنا امضو لهم وقم مقطان
إلين أسس دولةٍ حايلية
ويوم إن ولد اللاش ينذخ وطربان
ويقول جدي قد كسب له مطيه
ما نفتخر في نهب أو كسب يا فلان
ولا نفتخر في ذبح نفسٍ بريه
نفخر بسيف الله على الإنس والجان
سيف الله المسلول جد وهويه
إبن الوليد اللي فتح دار طهران
خالد عذاب الروم والفارسية
ذريته تمشي على الشرع بإيمان
وتفخر بفعله في صباح وعشيه
والنعم في كل العرب دون نقصان
كلٍ خذا حقه من الله عطيه