ابيات في رثاء الشيخ / عايش العريفي ، رحمه الله

 .................،،،،،،.................
ابيات في رثاء الشيخ / عايش العريفي ، رحمه الله

ايـقـنـت بـالـمـعـبـود وامـنت بـالله
الـباقـي الــدايـم عــزيـز الـجـلآلـة
ماقـدر الـوالى على العـبد نرضاه
الـشكـر لـه والـحمـد لـه والـثـنالـه
يــارافــعٍ سـبـعٍ وسـبـعٍ مــوطّــاه
وارسىٰ على سبع الاراضي جباله
نـطلـبك عـفـوك يـامـحل الـمناجـاه
كـلش يـزول ويـنتـهي والـبقـىٰ لـه
جاني خبر منهو هل الطيب ينعاه
الشيخ عـايـش مات واقفت ارحاله
قمت اتمعن واخطي الحرف واقراه
الـلـه لايــثــري ثـــراهـــا رســالـــه
امـرٍ جلـل ومـصابـنـا ماصخـيـناه
امـانـة الـلّـه مـارضىٰ فـي بـدالــه

والعبد ماصابه ترىٰ الرب ماخطاه
ومخطاك ماصابـك من الله جمالـه
مـرحـوم يـاراع الـقـصـور الـمبناه
يـالله عـسىٰ الـمولىٰ بطـوبا بـنالـه
راع الـوفـا والطـيب والدين مـبداه
وحب الجماعة خصلةٍ من اخصاله
الطـيب لـو دونـه شـواهيـق يـرقـاه
والىٰ نـظـر نـظـره وسـيـعٍ خـيـالـه
تــبـكــيـه خـلانــه وآلـــه ومــبـنـاه
وتـبـكـيـه والله بـالـمـجالس ادلالـه
ونبكـيك ياراس الـنشاما ومـعـناه
لو كانـو اخـوانه سنـام الشـكـالـه
ونـبكـيـه وعــيـالـه رجـالٍ وحـلـيـاه
على دروب الطـيب حـنـك اعـيـالـه
مرحوم والـمقسوم مـاعـنه مـنجاه
عبدك ضعيف وثـبـته في سـؤالــه
مـنـا الـدعـاء والله كـريـمٍ ويـجـزاه
وفي جـنة الـفـردوس يـاخـذ مـنالــه
الله يعُـوض بخـير والحـزن يـجـلاه
ومنا الـدعـالـه كـل ماجـاء مـجالـه
الله عـطاه الـخـير من كــد يـمنـاه
وتـنفـق يمـينه مـادرت بـه شـمالــه
ماشح فيما جاه يـوم الله اعـطـاه
مـرحــوم يـاشـيـخ كـرامٍ سـبـالــه
نبـكي علىٰ ذكـره ومـثلـه وشـرواه
والا الردي ماحدن درى عن زوالـه
وصلاة ربي في الـبدايـة ومـنهـاه
عـلـىٰ نـبـيٍ شــرفــه بـالــرسـالــة

خالد بن ابراهيم العريفي
( ابونايف )