#الثرياء #الشاعر #حمد_الدليهي

دهام الرطبي #الثرياء #الشاعر #حمد_الدليهي
الفديو على #قناة #بني_خالد
https://youtu.be/fbgQRQUh8hQ

مدام الثرياء بالفضاء والردي بالقاع
بسوق الخِطى والنفس للعز رافعها

خذيت التجارب درس من حالة الاوضاع
مبادي سلومي في حياتي ماادنعها

اغض النظر والاذن ماتقبل الاسماع
خدوش الاوادم مالتفت في زوابعها

تفاهات بعض الناس ماني لها تبّاع
ولا ابحث ورى اللي قالها وش دوافعها

معَ كل قوم احط مدخل ولي مطلاع
مساحات صدري للمطاليق طابعها


تغربت وصعود القمم لي هدف واطماع
واصادم اسود الغاب باسمي وانازعها

اميّز هبوب الصيف من نفحة المرباع
واحدد مخاسير الليال ومنافعها


ادل الدروب ان تاه غيري وفيها ضاع
عسى من نصيبي بذرة الطيب زارعها


من اقصى جموع الناس يطلع لي النفاع
لكن القرايب منهم الكبد يوجعها


ضعيف المروه ماذخرته سند وذراع
حواريه ماادخلها ولا امشي شوارعها



شطبت التواصل رحت ماعاد لي مرجاع
علاقات أخذ وخل بالوقت قاطعها


يجيبون لي قرحه وراسي ألم واصداع
ومن دونهم راحة هوى البال مشبعها