#الشاعر / حسن بن فهد آل طلحاب العقيلي الخالدي / ياليت قلبي يامحمد بلا روح

زيدالقصير ياليت قلبي يامحمد بلا روح
وياليت عيني مابها شيء تدمع
أنهد حيلي وازرت الحال بشروح
ياكن روحي وسطها شوك يمزع
ياليتني جامد ولا احس بجروح
ياليتني أنسى ولااوحي ولا اسمع
يسري بي الهاجوس من غير مصلوح
واقف على قبر(ن)له القلب اسرع
الله ياقلب تفطر من النوح
حتى عيوني مابهااليوم مطمع
صوتي من الشحنه ضعيف ومبحوح
واشرق بغصه حزن والحلق يبلع
قفت ليالي كلها سعد ومزوح
سبحان منهو فارق(ن)كل مجمع
مسموح ياللي فارق القلب مسموح
بصبر على فرقاك ما والله اجزع
وان كان حالي صار بالهم مطروح
ويش العلاج اللي من الهم ينفع
ماهو بكيفي بسكب الدمع مسفوح
اوحي عروق القلب مني بتقطع
طيفه كما ظلي معي وين ماروح
واللي رحل والله ما عاد يرجع
البنت راحت وأصبح الحال مذبوح
حتى ضلوعي من شقاها بتولع
صدري كما قدر(ن)من النار بيفوح
فرقى حياة القلب لا شك أوجع
راضي بحكم الله وماكان باللوح
أمر الولي لا جاك ماهوب يدفع
يالله ياعالم بسري مع البوح
ترضى على بنتي وترضيني أقنع

الشاعر / حسن بن فهد آل طلحاب العقيلي الخالدي
يوم الأحد الموافق /1439/10/24
سناب / hfmtk