مجاراة بين #الشاعر أبو صقر #النهدي والشاعر دايم #الغيث ..

أبوصقر النهدي. مجاراة بين الشاعر أبو صقر النهدي والشاعر دايم الغيث ..

يـا دايـم الـغيث أقـلط هـنيـا
أقـلـط وعـطـني جـديـد الـغرابـيـل

لـو كـل حلمن حـلمنـا بـه تهيا
مـبطي غـدينـا يـارفـيقي زنـاقـيـل

كـل مـانـويـنا نقوم الحظ عيا
يـآلعن أبـو أمـه يـجيـب الـبهـاديـل

أدري جـديدك يودع النار حيا
لاشك من شوقي حكرت الفناجيـل

ولمت كيف الطيب بالشاذليا
الـكـيـف طانخ والـغـلا بـالـمكـاييـل

اقلط عليا جاي وأقرب شويا
أبـغاك تضحك ليـن ترك الـتناكيـل

وأترك هموم الوقت لوهي عتيا
كم وادي عقب الضمى جاله السيل

وصلاة ربي يالغلا والـتحيـا
من خاطري سقت الغلا والمراسيل

ختمتها وحروف قافي هديا
ومـحـصـنـه مـن كـل شـك وتـحليل

' أبوصقر الصري النهدي الخالدي.



رد الشاعر دايم الغيث على قصيدة أبو صقر النهدي :

يامرحبا براعي الوفا والحميا
ابوصقر قرم الرجال المشاكيل

خوينا يوم الرخى والشكيا
ماهو من اللي يقطعون المراسيل

الحر يوفي والحديا حديا
الفعل واضح وشلنا بالأقاويل

يمناك غيمه للمكارم صخيا
تمطر صباح وتمطر بهجعة الليل

المدح في ذيب الخوالد شويا
ابو صقر راعي القنص والمعاميل

فنجاله الرايب من الشاذليا
يعن له راع الونس والتعاليل

لو يشربه شايب وعمره عتيا
يرجع شباب وكل اموره تساهيل

ولو يشربه ورعن يزيده إحميا
ماتشتكي امه صدوف الغرابيل

المدح اشوفه في سموك شويا
انشهد انك من زحول الرجاجيل

' الشاعر : دايم الغيث
خالد بن مطر العنزي.