#قصيدي #صديقي #الشاعر_عبدالله_خالد_الخالدي

دهام الخالدي #قصيدي #صديقي #الشاعر_عبدالله_خالد_الخالدي
رابط الفيديو على #قناة_بني_خالد
https://youtu.be/Vl3dScJRVYc
أنا صديقي قصيدي واشهد انه صحيب
الناس من تالي امسوا ما هم الآبريا

عندي رسايل وانا لا مفتي ولا خطيب
شاعر وامثّل شريحة مجتمع واخويا

الناس ما سلْم منهم مبعد ولا قريب
إن رحت راح لحمك وان جيت جعل يحيا

إذا اعتبرت الأوادم دوم حظ ونصيب
ترتاح من همّ الايام وتشوف الضّيا

مالي ومال السياسه والهلال الخصيب
واللي حصل للعرب في عهد مُزيقيا

الخمْر أوّل محطّاته عنب يا زبيب
أصله حلال وعبث به ناسه الآشقيا

فـ قلت اعتبر نفسي بهالدنيا هذي غريب
أعامل الآغبيا . . . . . . . . وآعامل الآذكيا

أكتب عن الحب لو ما كان عندي حبيب
أكتب عن الزِّين لكنّي ما اخدْش الحيا

أبي رضا ربّنا لا جا النهار الصعيب
حنّا فقارى يا اخيك وبالنفوس اثريا

أسابق احلامي ان صابت ولو ما تصيب
وآحبّ ريح الثرى يوم اختلط بالحيا

أدوّر الورده اللي في متون الشعيب
وان لوّث الوقت بعض الناس قلت اصْفيا

مردّنا متر في مترين وشويّ طيب
ملك أمير وفقير وشيخ . . . حنّا اسويا

إصدق وخاوي وسامح غمّض ولا تغيب
واذا عطيت اعطي لوجه الله ا بلا ريا

تدور الايّام وتشوف العجب والعجيب
إفزع ولو ما معك الّا شعور انقيا

فـ انْ شفت ما كدّر ايّامك تحمّل تخيب
ما احْنا صحابه ولا هذا زمان انبيا

عبدالله خالد الخالدي


Instagram: abdulla_k_alkhalde

Snap : aks_alkhaldi

Tweeter : a_k_alkhalde