#قصيدة #الشاعر #طلال العرفج أمام #سمو #الأمير بدر بن سلطان .

جابر الضويحي هذه الابيات قيلت امام صاحب السمو الملكي الامير بدر بن سلطان خلال زيارته للشيخ زايد العابط
باسم الخوالد رحب الشعر والقاف
والشاعر ابدع واسمعوا وش جديده
يامرحبا ترحيبة المجد لناف
واهلن هلا وحييت ي ابن الوليده
يامرحبا يا بدرنا مروي الجاف
بمجلس ولد عابط عسى الله يزيده
زايد ولد عابط له العز مشراف
بنك الكرم والجود زايد رصيده
الشعر حضر والفكر رتب القاف
بحضوركم يامير زانت قصيده
عنوانها رمز الكرم زاهي أوصاف
بدر ولد سلطان والمجد بيده
بدراً ضوا بالدار وبشته لها لحاف
عسى الولي يرعا سمو المجيده
رجل المكارم والمواقف والاعراف
وارث سلوم الطيب ماهي جديده
انتم هل العوجا ولا فيكم خلاف
منهجكم الثابت تراه العقيده
سلمان رمزاً للعرب والعرب شاف
حرب ومعه تخطيط ورؤية سديده
عزم وحزم والامن حقق له اهداف
فيها ظمان الدار وسلمان سيده
محمد ولد سلمان منهج للاسلاف
وعلى الفساد يشب نارن وقيده
محارب الارهاب من كل الاطراف
وعلى العداء ظربات سيفه شديده
استبشري ياديرتي مابتس خلاف
جانا ولد رجلاً خصاله حميده
سلطان سلطان الكرم ماله اوصاف
غير الكرم فيه الوصايف عديده
شعبه يسمونه رجل خير بأنصاف
الخير بأسمه والمدايح تجيده
عسى الولي يكتب له الاجر ألاف
ويكتب له الجنه حياةً سعيده
أنتم ذرانا لاعبث كل لفاف
وحنا سندكم بالليال العنيده
ياسيدي امر وحدد لك اهداف
وحنا على امرك مجدنا نستعيده
"
طلال عبدالسلام العرفج الخالدي✍