#مشارركة #الشاعر / #عاطف_الحميدي_الدرعان #امام #صاحب #السمو #الملكي #الامير /بدر ابن سلطان بن عبد العزيز #ال_سعود حفظه الله في #مجلس #الشيخ #زايد_العابط

جابر الضويحي #مشارركة #الشاعر / #عاطف_الحميدي_الدرعان #امام #صاحب #السمو #الملكي #الامير /بدر ابن سلطان بن عبد العزيز #ال_سعود حفظه الله في #مجلس #الشيخ #زايد العابط

مبطي وانا عن ساحة الشعر منحاز
ماشفت فرصه تستحق اغتنمها
.
ولمشاهدك اعطيت هاجوسي ايعاز
وثارت براكين الهجوس بحممها
.
في ظل سلمان الذي بالحزم فاز
نوّخ معادين الحدود وخطمها
.
ارسل لهم سربً من الاف طيراز
حدد مقرات العداه وهدمها
.
وعضيده محمد للاحداث نهاز
وفي رؤيته اثبات للي فهمها
.
مواقفه ماهي باذاعه وتلفاز
يكفيك داعش اختفت من كتمها
.
منه قطر ماعاد ينفعهم الغاز
ومنه شيوخ الفرس باعت قيمها
.
حول على روس الفتن واجهز اجهاز
لين البشر لاقت بشخصه عشمها
.
سلامً اطيب من شذا عطر قزاز
مع ريح روضً جاد ديم و وسمها
.
يابدر وانت البدر للنور برواز
يانور جوف الحلوتين وشهمها
.
جبر الكسير وللمعادين جزاز
طايل ونايل كل حاجه عزمها
.
حرً ولد حرً وهداد فزاز
لا حوّل الصيده بكفه قسمها
.
امير دارً بالسخا مثل الاعجاز
للضيف لو هي تقتطع من لحمها
.
يابن الذي له بالطويلات مركاز
يعشق من الشم النوازي قممها
.
يهوز فوق الكل ماهوب ينهاز
لا وقّف لبقعا بضلعه دحمها
.
من قاصي المغرب الى عرب الاحواز
لاثارت الهيّه وقف ثم حسمها
.
رمز الكرم محبوب مهيوب لزاز
رمز الفخر وعداه ياما هزمها
.
ريف الضعيف الي من الوقت معتاز
ظل النفوس الي تضايق نسمها
.
يانسل شيخينً لهم اكبر انجاز
توحيد دوله ما ينكّس علمها
.
عز الله ان الحر ما ورّث الباز
ولا مات رجل ً عادته بك رسمها
.
لا بالله المسقوف هاليوم يمتاز
زودً على مابه مزايا ختمها
.
بزيارتك ياسيدي كلنا عزاز
شكراً لطيبة نفسكم ولكرمها
.
يامرحبابك عد بالدين ما جاز
دون الغلو و كلمةً نتهمها
.
في دار شيخً له من الصيت ماحاز
نفسه على الطولات تعجل قدمها
.
ماهوب لمازً ولا هوب هماز
من لابةً سقم المعادي سهمها
.
لابة قريش الي للاخطار تجتاز
يشيب رمش عداك لو تستلمها
.
ان ثوروا بارود وتزيدهم قاز
اشارتك .اشر وتشحن همما
.
وقتك ثمين وقلت ماقلت بإيجاز
دقايقك حقً علي احترمها

عاطف الدرعان الخالدي