قصيده مهداه الى الشيخ / مازن القاضي من الشاعر سطام بن داخل الهاملي المطيري

د.احمد مفرح الخالدي قصيده مهداه الى الشيخ / مازن القاضي
من الشاعر سطام بن داخل الهاملي المطيري
،
الطيب له مبدى ومنهاج و آفاق
وكلن على طيبه لوجهه بياضي

مثل الجبل دونه مهفات وسياق
يرقا الجبل ياكود رجلن يقاضي

شروى ولد تركي على الطيب سباق
كن الفخر حصري لـ مازن القاضي

فعايله تكتب على بيض الاوراق
تاريخ مشهودن بحاضر و ماضي

كلن يشوفه عالي النجم براق
نجمن لمع نوره على الناس ياضي

كف النداوي طايل الروس فتاق
حرن يصيد الشارده بالنواضي

كم واحدن جاله من الهم منضاق
مايروح عنه الا وهو منه راضي

شيخن معرب ساس ماهو تلفاق
محزم بني خالد على الصعب حاضي

مقدم هل الحيزا لا يبسن الارياق
اليا انتهض حرن يجوب الاراضي

صيت الخوالد عالي النور حراق
افعالهم جزله طوالن اعراضي

بيرق هل الحيزا على الضلع خفاق
دونه الخوالد تشتعل كاللواضي

حاضر زمنا كاسبه فعل واخلاق
وماضي زمنا للمقادير قاضي

بينه وبين المجد عهدن وميثاق
شين موكد ماهو شي افتراضي

قلته وانا سطام للحق تواق
عن مدحة الوافيين ماني امتغاضي