# جديد الشاعر / حسن بن فهد الخالدي # قصيدة مهداة إلى بني خالد

دهام الرطبي # جديد الشاعر / حسن بن فهد الخالدي # قصيدة مهداة إلى بني خالد.


قال المثل من كبرها قلت كذاب
والكلب ينبح والغمامة غمامه

إن كان غرك فلسفة نظم وكتاب
حكيك مع اكتابك بوسط القمامه

حكي الضعايف يدفنه عكف الاشناب
ماضرنا ياخوك هرج الهلامه

أن مانفع بالطيب ياكل له تراب
حتى يعرف الاش يضبط كلامه

يالي بحكم الخالدي اليوم مرتاب
انشد جدودك كان تبغى الفهامه

خمسة قرونٍ حاكمين للارقاب
من فوقها حامين بيض النعامه

الكل شاهد حتى في ديار الأجناب
تاريخ ينطق بالحكم والزعامه

ياصْغِير وقَّف والتحف شعر الاذناب
اخير لك حتى لاتبكي ندامه

كل البشر ياصْغِيرتحسب لنا احساب
ولَّانت ظني ما تخوف حمامه

حكم الخوالد سبب الخوف وارهاب
ياكم قرمٍ ترتجف به عظامه

صبينا للنار شاعم وشباب
كبيرنا في الجود يبلغ سنامه

مجالسٍ ما صممت فيها الأبواب
مدهال لأهل الطيب واهل الشهامه

الظيف ينزل عندنا وسط الاهداب
يقلط هجور وعقبها له كرامه

انداري الظيفان عزة وترحاب
مايختبر ضيفة عريبٍ عَمَامه

منهوضرب ضيفه بمشقص ومشعاب
هذا ترى خبلٍ عليه السلامه

اللي يدوَّر في الكذب لايك إعجاب
هذا ترى يشبه صنيع النمامه

الشمس تشرق لو سماها به اغراب
ياضفدعه نقت عساها عدامه

ابحتمي بالقاف والسيف واحراب
من شان ربعي واعتصب بالعمامه

لامن بدا الواجب فلا عنه مجناب
يوم الردي يكسى لباس الرخامه

في كل محفل طالعٍ فوق مرقاب
كني كما قوسٍ يسدد سهامه

ربعي بني خالد عريبين الأنساب
نالوا المعالي مالحقهم ملامه

عزٍ لمنهو قد نصاهم ومنصاب
غادي لهم في الطيب رمز وعلامه

عين العدو تكحل بجمرٍ ومشهاب
والله مايفيدة قشاشة حزامه

وختامها يارب عفوك بلا احساب
يالله ترحم من تعسَّر منامه


الشاعر / حسن بن فهد الخالدي ليلة الثلاثاء 1439/7/3
سناب / hfmtk