شيلة في المغفور له إن شاء الله العم رجا الغنام الخالدي.

جابر الضويحي. ‫⁧‫#شيلة‬⁩ ⁧‫#رثاء‬⁩ في ⁧‫#المغفورله‬⁩ انشاء الله ⁧‫#العم‬⁩ ⁧‫#رجاء‬⁩ بن عبدالله بن حسن ⁧‫#الغنام‬⁩ الخالدي ‬
‫يالله انا من ضيقة الصدر مهموم‬
‫ومن كبر همي ما هقيت انفراجه‬

‫يالله ماني قانطاً منك مذموم‬
‫لكن مصابي كايد(ن) في علاجه‬

‫طعنة نحر خنجر مصدي ومسموم‬
‫تعذبت في مدخله وفي خراجه‬

‫الشجره اللي خيرها امطار وغيوم‬
‫ماتت ومات بظلها راعي حاجه‬

‫انا اشهد ان افراق الاجواد علقوم‬
‫يقلب صفاها يابو خالد هماجه‬

‫علمك صحيح انه مقدر ومقسوم‬
‫لكن فجع قلبي وطفى سراجه‬

‫أربع شهور وفوقهن عشرة ويوم‬
‫عيى مزاجي لا يتعدل عواجه‬

‫ابكي على ذكرى المنيه ومحروم‬
‫ومثلي على الذكرى كثير انزعاجه‬

‫يابو شريف ابكيك مرحوم مرحوم‬
‫موتك معه مات الفرح وابتهاجه‬

‫كني على فقدك صغير ومفطوم‬
‫اصيح واخفي عبرتي لا تواجه‬

‫الوافي الصافي به الزين موسوم‬
‫ما جابت بطون النساء من نتاجه‬

‫نادر قرانيس السماء مذير الحوم‬
‫ذيب(ن) خذا فخر المراجل وتاجه‬

‫للواجب مقورن وللفزعه يقوم‬
‫وللنخوه يقطع مع خويه فجاجه‬

‫راح وبقى طيبه مع الناس معلوم‬
‫راح وبقى ذكره يبيض حجاجه‬

‫ياليت بي حيله عن الموت وعزوم‬
‫وباب المنيه عنه احكم ازلاجه‬

‫يا حيف يا جسمه مكفن ومدموم‬
‫يا كيف ثارت فوق قبره عجاجه‬

‫ياربي كان بقربنا وعندك اليوم‬
‫ياربي بالفردوس حطه وناجه‬

‫وجعل له السندس والاستبرق هدوم‬
‫وقصره ذهب فضه حرير(ن) دباجه‬

‫لولاي اخاف من الحكي وكثرة اللوم‬
‫لازرع حزم طارق وزين سياجه‬

‫كم من بها ناس(ن) عزيزين وقروم‬
‫ماتوا ولا لهم بالحياة ولجاجه‬

‫الدنيا هذي كلها احلام ورسوم‬
‫واللي انطرب لابد يخرب مزاجه‬

‫الشاعر‬
‫محمد بن مبارك الخالدي‬

‫⁦‪https://youtu.be/xnGw_8Se4Gk‬⁩‬