الشاعر خلف عثمان الخالدي

 دام الوفى بستان كله حلالك
ودام الفرح وياك يالغالي ينول

خذ ماتبي والعمر كله فدالك
مثلك مطر اجمل بداياته هطول

يامنيت اللي في زمانه وفالك
وشبك كذا واقف تناظرني ذهول

زرعت حبي والاماني وصالك
والزرع دامك ساقيه عمره يطول

ياموق عينن معجبه في جمالك
شف الغلا ثابت ولا يمكن يزول

شف الغرام الذرب بالشوق جالك
كنه هداد الحر لا جاك مهبول

انتي مجال الحب وانا مجالك
وانتي ربيع القلب للنفس موصول

لا جيتني مشتاق بالي صفالك
وان جيتني مهموم اصبحت مسلول

ياغايتي ومناي سو م بدالك
ببقى انا بدنياك اصول واجول

واكبر دليل انك بقلبي لحالك
شف دفتر الماضي عن الكل مقفول


الشاعر خلف بن عثمان الخالدي