بالحسا تاريخ والعمله طويله للشاعر عبدالله الضليعي .

دهام الخالدي مل قلب وعين عبدالله .. ومله
لا تذكر من عنا الفرقا خليله
يصطلي قلبه على جمره ومله
والفراق اشكال واصنافه مهيله
ماعرفنا للهوى مذهب ومله
شغلته يذبح قلوب الناس غيله
لا تمنيت الوصل والشوق كله
يخلف الرجال ويضيع دليله
وكل رجالٍ معه قلب ويدله
يعلم ان الله حق ويلتجي له
وش على الحي وظروف الوقت عله
والهوى طماع .. ما يبرح عميله
والصدور الضايقه والمسفهله
ما تعطل دولة الأيام .. ليله
مير مالي بالخطا دقه وجله
عشقي الصعبه وشوق المستحيله
بلغو عني هوى بالي محله
في سويدا القلب ماشيٍ يزيله
من عبير الورد ريحانه وفله
تقطفه يمناي والأخرى تشيله
للعرب تاريخ يا قاري سجله
وكل جيل يبلغ اخباره لجيله
ربعي ليوث الجزيره بالشكّله
ينطحون المعتدي من وسع حيله
من نوانا بسو يبشر بالمذله
مثل ماسوّى ابرهه الأشرم وفيله
الوفا والطيب في ربعي جبّله
(بالحسا) تاريخ والعمله (طويله)
#عبدالله_الضليعي_الخالدي
#شعراء_بني_خالد
#بني_خالد
#الحسا