الضحى ماعاد يشبه صباحه

 "
"
"
"
"
"
"
"
"
"
"
"
حصري ( لـ صحيفة شبكة بني خالد و تطبيق بني خالد )

جديد الشاعر عبدالمحسن الخالدي
قصيدة كتبها لـ رفيق دربه
زيد العبدالرزاق

_________________

وش هالسواد اللي ملا ناظر الكون
حتى الضحى ما عاد يشبه صباحه

امنّي الخاطر بهقوات و تهون
واخيط في ثوب الامل من جراحه

مأوى لفيف الحزْن بالصْدر مكنون
سجّان.. ينشد من سجينه ، سراحه !

يا زيد قلّي .. لا غدا الحر مغبون
لاشالته ارضٍ .. ولا ذاق راحه !!

وشلون يزرع بالفضا غصن زيتون
ويمد بجذور الصبر من كفاحه

يا زيد قلّي .. لا غدا النخْل عرجون
وشلون عذر العذق يلقى سِماحه

لا صارت الحكمه من افواه مجنون !
اخالف المألوف و ارمي وشاحه

لا زانت الدنيا و لا شانت ظنون
ولاعابت الفارس بطول استراحه



#الشاعر #عبدالمحسن_الخالدي